ازاي اعمل لعبة بالذكاء الاصطناعي ب3 خطوات فقط
في الفترة الاخيرة الذكاء الاصطناعي عامل اهتمام كبير لكل المجالات تقريباً ومن اهم المجالات دي صناعة الألعاب. زمان علشان تعمل لعبة كنت محتاج تذاكر برمجة شهور طويلة وتتعلم تصميم صور او تختار شخص يصمملك صورك، لكن دلوقتي الموضوع بقى أسهل بكتير. أي حد ممكن يعمل لعبته الخاصة حتى لو معندوش خبرة تقنية كبيرة.
طبعاً انت بتسأل نفسك دلوقتي: ازاي اعمل لعبة بالذكاء الاصطناعي؟
الموضوع دلوقتي بقي سهل جداً، الموضوع محتاج منك شوية صبر وتركيز وهتقدر تنشئ لعبتك الاولي بكل سهولة ويسر لأن الذكاء الاصطناعي سهل عليك كل حاجة.
في المقالة دي هنتكلم ونتكلم ازاي تعمل لعبتك عن طريق الذكاء الاصطناعي بشكل كامل ووفي وهنستخدم ادوات علشان تساعدنا.
الادوات دي :
Chat GPT : والي عن طريقة هتقدر تكتب وتتحكم بالذكاء الاصطناعي لأنه هيوفرلك إمكانية كتابة الاكواد بالذكاء الأصطناعي.
CodePen : هيخليك تقدر تكتب الاكواد وتجربها وتشوف اي مشاكل تظهر عن طريق الاكواد.
Leonardo AI : هيخليك تصمم الصور بالذكاء الاصطناعي بشكل احترافي بالكامل عن طريق برومبت هنولدة عن طريق شات جي بي تي.
أول حاجة: كتابة الأكواد مع ChatGPT :
خلينا نتكلم بصراحة مش كل الناس بتحب البرمجة وبتفهم فيها كتير بيشوفوها صعبة ومليانة تعقيدات. لكن مع ChatGPT الموضوع بقي اسهل بكتير جداً وبالعكس الموضوع هيبقي ممتع ليك.
ودلوقتي تقدر تكتب اكواد الالعاب عن طريق شات جي بي تي وهتكون مستمتع بالموضوع بشكل كبير.
يعني مثلاً لو عاوز تكتب كود لعبة هنروح لشات جي بي تي وهنقوله :
اكتبلي لعبة شخصية بتجري وتتخطى العقبات بلغة JavaScript أو عاوز لعبة شبه Flappy Bird بلغة HTML, CSS, JavaScript.
في اقل من ثواني هيديك الاكواد بلغات البرمجة ومش بس كده، لو مش فاهم جزء من الكود ممكن تسأله: "اشرحلي السطر ده بيعمل إيه؟ هتلاقية بيشرحلك الكود بيعمل اي بالتفاصيل الممله ولو مفهمتش هيوضحلك اكتر.
يعني ببساطة مش محتاج تكون مبرمج الذكاء الاصطناعي هيخليك تخش المجال وانت مطمن.
تاني حاجة: تجربة الكود على CodePen :
وبعد ما نجيب الكود هنكون محتاجين نجربه ونشوف هل فيه مشاكل ولأ ؟ وشكل اللعبه عامل ازاي ؟ هنا بييجي دور CodePen.
ده بقي موقع مجاني بيخليك تجرب الاكواد من غير ما تنزل برامج يعني مجرد نسخ كود من Chat Gpt تي وتضعه في Codepen هتلاقي النتيجة ظهرت قدامك.
لكي نبدأ في تجربة الاكواد علي موقع CodePen اتبع هذة الخطوات :
- ادخل على CodePen.io
- اعمل حساب مجاني.
- اضغط على Create Pen.
- هتلاقي 3 خانات: HTML – CSS – JavaScript.
- انسخ الكود اللي أخدته من ChatGPT وحطه في الأماكن المناسبة.
وفي ثواني هنقدر نشوف النتيجة بتاعتنا سواء كانت ايجابية ام سلبيه يعني لو ايجابية هنلاقي اللعبه اشتغلت بشكل كويس ولو سلبية ممكن نواجه بعض المشاكل في اللعبة مثل اخطاء في بعض الاكواد ومن هنا يمكن تعديلها بشكل مباشر وبدون اي مشاكل.
وطبعاً لو واجهنا اي مشاكل نقدر نرجع Chat GPT ونوضحله المشكله التي ظهرت وسيعرض لنا حلها.
طبعاً مفيش أسهل من كده تكتب الكود مع ChatGPT وتشغله على CodePen وتبدأ تشوف النتيجة.
تالت حاجة: التصميم مع Leonardo AI :
طبعا لو عملنا لعبة علي شات جي بي تي وكود بين هتطلع نوعاً ما جيدة ولكن اكبر المشاكل الي هتواجهنا ان اللعبه هتكون شكلها أبتدائي جداً لأن مفيش فيها اي صور. هنا ييجي دور Leonardo AI.
الموقع ده بيستخدم الذكاء الاصطناعي علشان يولدلك صور احترافية بمجرد ما تكتب وصف بسيط وطبعاً احنا عارفين هنقدر نجيب الوصف منين ؟
بالظبط عن طريق Chat GPT.
يعني ممكن مثلاً نكتب علي الموقع اكتب لي شخصية بطل كرتوني لابس درع ذهبي. هتكون النتيجة جيدة جداً ولكن طبعاً لو عاوزين نتيجة احترافية يبقي لازم نستخدم برومبت او وصف مصغر وبالتالي نستخدم Chat GPT ونكتبله محتاجين وصف مصغر عن شخصية بطل كرتوني لابس درع ذهبي وهنستخدم الوصف في إنتاج صور بالذكاء الأصطناعي.
وبالطبع سنقوم بنسخ الوصف المصغر ونذهب الي موقع Leonardo Ai ونقوم بلصق الوصف الذي حصلنا عليه عن طريق Chat GPT.
وبعد ثواني هتلاقي صور متولدة بجودة عالية. يمكنك نسخها واضافتها علي الكود بتاعنا على CodePen. طبعاً اللعبة هتصبح احترافية بشكل كبير جداً وهتلاحظ الفرق.
رابع حاجة: دمج العناصر وبناء اللعبة
دلوقتي بقي عندنا 3 اضلاع رئيسية : الكود من ChatGPT - التجربة من CodePen - الصور من Leonardo AI.
لما ندمج الاضلاع دي مع بعض هنغير الشكل الأساسي للشخصية في الكود وحط صورتك اللي انت لسا مصممها. حط خلفية مناسبة بدل الألوان العادية. ولو عندك شوية وقت دور على مؤثرات صوتية مجانية من الإنترنت علشان تكمل التجربة. ممكن تستعين بمكتبة اليوتيوب هتلاقي فيها موسيقي جيدة جداً.
وطبعاً مع الوقت ممكن تضيف مراحل جديدة أو مستويات صعوبة أعلى. يعني مثلًا تضيف العدو اللي يطارد اللاعب أو تحط عداد للنقاط. وكل ده ChatGPT هيقدر يساعدك فيه لو كتبتله طلب واضح.
خامس حاجة: نشر اللعبة ومشاركتها
بعد ما نخلص اللعبة ونكون راضيين عنها ونتأكد ان مفيهاش اي مشاكل برمجية خالص، تيجي اللحظة الحماسية: إنك تنشرها للناس.
موقع CodePen بيولدلك رابط مباشر تقدر تبعته لصحابك أو تشاركه على الفيسبوك. ممكن كمان تحطه في مدونة أو موقع شخصي.
ولو نفسك تشتغل في المجال، الرابط ده يبقى بداية حلوة لمعرض أعمالك (بورتفليو).
